شاعیر: عەبدوڵڵا پەشێو
کتێب: دیوانی برووسکەچاندن
سەرناو: چەند دەترسم
لەبارەی شیعر: (١٩٨٠/١٠/٢٨ - ڤیەننا) - نووسین: ناشناس - سەرچاوە: https: //t. me/abdulla_pashew

چەند دەترسم، 
کە دێمەوە، 
هەواڵێکی تاڵت پێ بێ... 

چەند دەترسم، 
کە باوەشت پێدا دەکەم، 
بۆنی نامۆیەکت لێ بێ... 

چەند دەترسم، 
کە دێمەوە، 
گرامەری [١] زمانی چاو، 
ڕێنووسی هێمات [٢] گۆڕابێ. 
چەند دەترسم، 
پلەی گەرمیی پەنجەکانت
وەک بەجێمهێشت وا نەمابێ... 

لەمەش زێتر، 
چەند دەترسم، کەسم، هاوڕێم
کە دێمەوە
تۆ وەک خۆت بیت، من بگۆڕێم! 

١. گرامەر(گریکی): ڕێزمان، دەستووری زمان
٢. هێما: ئاماژە، ئیشارە